कविता : बलिहाङ पर्व

 

-समर शर्मा घिमिरे

सम्झना छ भन भन भाई हो भैलीनिको 

याद आउँछ बत्ती र त्यो झिलिमिलीको 

अरु पर्व त त्यस्तै हो, बत्तीको यो पर्व 

रातो र चिप्लो बाटो भन्दै  लाग्छ गर्व ।

विचित्रको चाडपर्व हाम्रो भाइलाई बाँध्ने दिदीबहिनीबाट 

चरा, चौपायलाई पुज्ने हामी, बुझ्ने हामी रक्षा उनीबाट 

खेल्दै नखेल्ने पनि पुग्छन् कौडा र पासाको जुवामा

मेटाउँछन् पिर चिन्ता द्वेष , जोड्ने भाइचारा आशामा ।

अझ धेरै आउँछ याद बालापनको देउसुरेको 

जम्मा गरेका ती दान हामीले, जान्थ्यो वनभोजको

सम्झना छ भन भन भाइ हो भैलेनीको 

याद आउँछ बत्ती र त्यो झिलिमिलीको ।