आज हामीसंग एकजन चर्चित मगर्नी गायिका गेष्टको रुपमा सामेल हुनुहुन्छ । उहाँ संग छोटो कुराकानी गर्न गहिरहेका छौं । उहाँको घर गण्डीकी प्रदेश, पर्वत जिल्लामा अवस्थितमा पर्दछ । पर्वत जिल्ला बिगतमा असुबिधायुक्त ठाउँ मानिन्छ, जहाँ शिक्षा, स्रोत साधन, बिजुली एकदम न्यून रुपमा उपलब्ध हुनेगर्दथ्यो । आज पर्वत जिल्ला उच्चगतिमा बिकास हुने क्रममा छ । हो पर्वत जिल्ला बाट एकजना गायिका पार्वती थापा मगर संग संर्घष अनि सांगितिक यात्राको बिषय बस्तुमा केन्द्रित रहेर कुराकानी गर्नगईरहेको छौ । आउनुहोस् सरल समधुर र आत्मिय शैलि स्वभाव भएका पार्वती थापा संग जीवनका सफलता, असफलता र संघर्षका पाना पल्टाउ ।
हामी मानिसहरु जन्मन्छौ हुर्कन्छौ र हुर्कदै जाँदा अनेककौ सपनाहरु देख्छौ । गायिका पार्वती थापाले पनि बचपनदेखी ठुलो हुँदासम्ममा आफुले कयौ सपनाहरु देखको बताउछिन् ।
पर्वतको मोदी गाउपालिका ४ हलहलेमा जन्मीनु भएको पार्वती, उनि घरकि कान्छि छोरी हुन् । बचपनदेखी पढाईमा धेरै रुचि राख्ने उनि कक्षामा सधै पहिलो हुन्थिन् ।
राम्रो पढाइकै कारण गाउँमा उनलाई धेरैले पछि गएर शिक्षीका बन्नुपर्छ है भनेर भन्थे । तर पार्वतीलाई स्कुले जिवनमा साईन्टिस बन्ने सपना थियो ।
फेरी जब उनि ठुलो हुँदै गईन्, उनलाई नृत्यले आकर्षण गर्न थाल्यो र नृत्यङ्गना बन्छु भन्ने उनको सोच थियो । २०७० सालमा एस एल सी उत्तिर्ण गरेपछि उनि कलेज पढ्न भनेर पोखरा आईन् र पोखरामा ११ र १२ पढिन् । १२ पढ्दै गर्दा उनलाई फेरी रेडियो जकी बन्ने रहर जाग्यो र त्यस सम्बन्धि तालिम लिएर काम गर्न थालिन् ।
उनि भन्छिन् तालिम लिने २२ र २५ जनामध्य रेडियोमा काम गर्ने उनिमात्र थिईन् । रेडियोमा केहि वर्ष काम गर्दैगर्दा उनलाई फेरी थिएटरमा अभिनय गर्ने मोह बढ्यो ।
उनि फेरी रेडियोमा काम गर्दै नाटक सिक्न थालिन् पोखरामै । उनले अभिनय गरेको पहिलो नाटक हो ( बार्दलीको छेउबाट ) । नाटक गर्दा निकै समय दिनुपर्ने हुनाले उनले रेडियोको काम छोडेर अभिनय तिर लागेको बताउछिन् । उनले पोखरामा रहदा ६ र ७ वटा नाटक अनि निकै छोटो फिल्म, वेब श्रृंखला, नाटक अनि २ र ३ ओटा चलचित्रमा पनि काम गरेको बताउछिन् । केहि समय अभिनयमा रहेर काम गर्दै गर्दा उनले बिभिन्न अभाबहरु झेलेको पनि बताउछिन्। यसरी नृत्य पत्रकारीता र अभिनयमा रुचि राखेकी उनले गीत गाउछु र गीत गाएर कमाउछु भन्ने कल्पना पनि गरेकि थिईनन् । तर अन्त्यमा आएर अहिले उनको जिउने आधार, रहर, सपना, चाहना खुसी सबै गायकि नै बनेको छ । अब गित गाउँन छोडेर अरु केही गर्ने त सोच नै आउदैन उनि भन्छिन् । साथिको लहैलहैमा गायनमा आएको उनि भन्छिन् । करिब ९ वर्ष जति पोखरामा बसेर बिभिन्न क्षेत्रमा उनले धेरै कुरा सिकेको र गायनमा आफुलाई अगाडि बढाउन काठमाडौ जानुपर्छ भन्ने सबैको सल्लाह र आफै पनि सोच बनाएर उनि २०७९ मा राजधानि आएकि हुन् ।
काठमाडौ आएपछि उनले आफुलाई गायनमा अघि बढाउन थालिन् । उनले अहिले आफुले गीत लेख्न थालेको पनि बताउछिन् । उनले लेखेको पहिलो गीत हो ( जुगजाने माया ) ( सालैजो ) जसलाई अहिलेसम्म ५५ लाख भन्दा धेरैले युटुब मा हेरेका छन् भने ६० र ६५ हजार भन्दा धेरैले टिकटक, रिल्स बनाएका छन् । उनलाई धेरैले हेल्लो जुगजाने माया भनेर बोलाएको पनि उनले हास्दै सुनाईन् । यो गीतको सफलतापछि आफुलाई काम गर्न अझ हौसला मिलेको उनले बताईन् । यसपछि उनले अर्को गित लेखिन् "ए साली" ( कौडा ) । यो गीत उनि आफैलाई मन परेको गीत रहेको बताउछिन् । उनले आफु लेख्दै गाउदै गरिरहेकि छिन् र अरुको पनि ८ र ९ ओटा गीतमा आवाज भरेको बताउछिन् । सपना देख्दै- देख्दै ठुलि भएकी पार्वतीले आफु जे बने पनि जुन क्षेत्रमा काम गरे पनि त्यसलाई निरन्तरता दिनुपर्ने बताउछिन् ।
बिभिन्न दुस्खसुख भोग्दै यहाँसम्म आएकि उनले आफ्नो परिवारमा कसैले पनि आफ्नो काम र सपनामा रोक तोक नलाएकोमा आफुलाई भाग्यमानि ठान्दछिन् । अबका दिनहरुमा नयाँनयाँ मौलिक गीत संगीतहरु बजारमा ल्याउने उनको सोच रहेको उनि बताउछिन् । अन्त्यमा उनको यो सांगितिक यात्राको दौरानमा उनलाई साथ सहयोग गर्ने व्यक्तिहरु सबैलाई भगवानले खुसी राखुन् भन्दै भाबुक बनिन्,र सबैको गुनको पैचो तिर्ने धोको रहेको पनि बताउछिन् ।
Comments